Mae gan Tai Hafan 3 Gydlynydd Gwasanaethau Plant (CGP)– un ymhob rhanbarth. Eu rôl yw gweithio gyda phlant a phobl ifanc o fewn y Gymdeithas i sicrhau fod eu hanghenion yn cael eu diwallu, a’u hannog i gymryd rhan yn y gweithgareddau a chynllunio am y dyfodol. Mae’r CGP yn gweithio gydag unigolion ifanc, mewn grwpiau, gyda rhieni a phlant efo’i gilydd, a gyda thenantiaid a defnyddwyr gwasanaeth ar sgiliau bod yn rhiant.

Mae Tai Hafan fwy fwy yn rhoi cymorth i denantiaid a defnyddwyr gwasanaeth lle mae eu plant yn cael eu canfod i fod mewn perygl ac sy’n aml ar gofrestr risg y Gwasanaethau Cymdeithasol. Fe fydd y CGP yn gweithio gyda’r unigolyn ifanc i roi cynllun cymorth at ei gilydd ac a fyddai hefyd yn gallu cynnwys gweithio gyda’r fam ar sut i fod yn rhiant, neu rhan yr asiantaethau gwirfoddol neu ystadegol eraill.

Ym Mawrth 2002 fe gynhaliodd Tai Hafan gynhadledd Plant a Phobl Ifanc llwyddiannus iawn yn Harlech, gyda 60 o bobl ifanc wedi’i mynychu. Roeddynt yn cymryd rhan mewn ystod eang o weithgareddau o ddawns a drama i DJeio a gwneud modelau o’u Tai Hafan delfrydol. Gweithiodd Comisiynydd y Plant, Peter Clark gyda nhw am un bore a mynegodd ei obeithion y buasai’r Gymdeithas yn gallu annog ei bobl ifanc i gyfrannu i waith y comisiwn.

Mae Cydlynydd Gwasanaethau Plant a pherson ifanc sydd yn gyn denant o Brosiect Merched Ifanc Y Rhyl yn gweithio gyda grwpiau o bobl ifanc, i roi fforwm pobl ifanc at ei gilydd a fydd yn gallu cael cysylltiadau ffurfiol gyda’r comisiynydd yn y dyfodol.