RHAGLEN YSGOLION SBECTRWM YN MYND I YSGOL GYFUN LLANBED
16eg TACHWEDD, 2006
Daeth Rosalyn James , Swyddog Cyswllt Ysgolion Cymdeithas Tai Hafan â rhaglen Sbectrwm i Ysgol Gyfun Llanbed yn ddiweddar.
Mae Sbectrwm yn anelu at roi gwybod i a chodi ymwybyddiaeth ymhlith plant, pobl ifanc ac athrawon am drais yn y cartref ac at roi gwell dealltwriaeth iddyn nhw o'r effeithiau ar blant a phobl ifanc sydd wedi byw mewn cartref treisgar.
Mae Sbectrwm yn addas i Gyfnod Allweddol 3 ac mae'n cwmpasu themâu fel perthyn, teulu, perthnasoedd a datrys gwrthdaro. Bu Rosalyn hefyd yn helpu athrawon i gyflwyno rhaglen Sbectrwm yn effeithiol i ddisgyblion.
Caiff y prosiect ei noddi gan Comic Relief ac felly mae pob sesiwn ac ymweliad yn rhad ac am ddim.
Ar ei hymweliad ag Ysgol Gyfun Llanbed, dywedodd Rosalyn:
“Gwrandawodd Blwyddyn 7 yn astud iawn ar y pwnc a drafodwyd heddiw, sef Perthyn, un o'r pynciau a drafodir ym mhecyn Sbectrwm. Weithiau mae plant yn ei chael yn anodd mynegi'u hunain i'w rhieni, athrawon neu i oedolion eraill, ac ar ôl y sgwrs rydyn ni'n rhoi'r arfau i'w helpu i wneud hyn, boed hynny'r hyder i ymddiried mewn oedolion eraill neu athrawon neu trwy roi rhifau cyswllt ffôn mudiadau all eu helpu'n ddienw.”
Meddai Cathy Davies , Prif Weithredydd Cymdeithas Tai Hafan:-
“Daw llawer o'r deunydd ym mhecyn Sbectrwm o brofiadau go iawn plant a phobl ifanc ein tenantiaid sydd wedi siarad am deimlo'n unig ac wedi'u stigmateiddio oherwydd eu profiadau o orfod gadael eu cartrefi oherwydd camdriniaeth a thrais yn y cartref.
Mae'r pecyn yn un cam i helpu codi ymwybyddiaeth a gobeithio i ddechrau newid agweddau ac felly i atal mwy o drais i'r dyfodol.”
Pe bai gan unrhyw ysgol yng Nghymru ddiddordeb mewn dysgu mwy am Raglen Sbectrwm, cysylltwch â Chymdeithas Tai Hafan ar 01267 2255555.
PARTNERIAETHAU POSITIF MEWN CYFRANOGIAD
Enillodd Cymdeithas Tai Hafan y wobr gyntaf yng nghategori Ymglymu Grwpiau Anodd Eu Cyrraedd, yng Ngwobrau Cyfranogiad 2006 TPAS Cymru a gynhaliwyd ddydd Mawrth, 13 th Mehefin yng Nghanolfan Gynadleddau Gogledd Cymru, Llandudno. Mae'r Gwobrau Cyfranogiad sydd hefyd yn cael eu hadnabod fel yr Osgars Cyfranogiad, yn dathlu a chydnabod gwaith tenantiaid a landlordiaid yn eu cymunedau sydd yn gweithio i wneud gwelliannau i wasanaethau a chymdogaethau .
Sefydlwyd y gr w p ‘Beth Mae Merched Eisiau' yng Ngwanwyn 2005. Dewiswyd yr enw gan ei fod yn llefaru'n uchel yr hyn yr oedd y merched eisiau ei gyflawni. Yr oedd ‘Beth mae Merched Eisiau' eisiau arddangos i denantiaid eraill, defnyddwyr gwasanaeth a Thai Hafan y gallent trwy gyfranogi, ddatblygu a chyfrannu i'w cymunedau a newid sut y canfyddir hwy weithiau oddi mewn y cymunedau. Eu bwriad oedd bod yn rym yrru yn rhaniad syniadau a datblygiad polisi cyfranogiad Tai Hafan. Trwy eu hegni, brwdfrydedd a'u cred yn y broses o gyfranogiad, maent wedi cael sgiliau a hunan-benderfyniad sydd wedi eu helpu i dderbyn newidiadau yn eu cymunedau ac ar gyfer dyfodol merched bregus a fydd yn cael eu cefnogi gan Dai Hafan
Prif noddwyr y digwyddiad oedd Cymdeithas Tai Cymru a'r Gorllewin. Dywedodd Anne Hinchey, Prif weithredwr:
“Yr ydym yn falch iawn i barhau i fod yn noddwyr y gwobrau hyn. Mae'r dydd yn ymwneud ag arddangos popeth sydd yn ardderchog mewn cyfranogiad preswylwyr ar draws Gymru gyfan. Roedd yr enwebiadau yn cynnwys amrediad o weithgareddau a materion ac mae'n fendigedig fod gwaith caled cynifer o bobl wrth wneud gwahaniaeth i fywydau pobl a'r gymuned y maent yn byw ynddo, yn cael ei gydnabod.”
Mae'r gwobrau yn cyflwyno cyfle i Denantiaid a Landlordiaid i gael eu cydnabod am y prosiectau a'u hymdrechion cyfranogiad ac i rannu ymarfer da ar draws Cymru. Maent wedi eu henwebu gan bobl yn y cymunedau y maent yn gweithredu ynddynt. Mae beirniadaeth yr enwebiadau yn cael ei wneud gan banel annibynnol o broffesiynolwyr sydd yn gweithio yn y maes Tai.
Eleni, derbyniodd TPAS Cymru bron i 50 o enwebiadau ar draws Cymru gyfan. Roedd y ceisiadau o safon uchel iawn ac yn wir, roeddent yn dal sylw'r beirniaid, nid yn unig yn nhermau'r deunydd ysgrifenedig a'r eglurhad manwl o'r prosiectau, ond hefyd am yr amrediad dychmygol o brosiectau a mentrau cyfranogol sydd yn cael eu hymgymryd yn y Dywysogaeth .
Dywedodd John Drysdale, Cyfarwyddwr, TPAS Cymru:
“Mae'n wych i allu dathlu llwyddiant! Mae enillwyr Gwobrau Cyfranogiad TPAS Cymru bob amser yn hynod o falch o gael cydnabyddiaeth am eu hymdrechion a'u cyflawniadau. Ac maent yn hollol iawn i fod yn falch oherwydd mae eu gwaith yn cael effaith fuddiol go iawn yn eu cymunedau.
Mae Cyfranogiad Tenantiaid yn awr wedi ei sefydlu a'i gydnabod fel hanfod i hyrwyddiad da o dai a chymunedau. Ond mae ymarferion ac adnoddau yn dal i amrywio yn eang ar draws Cymru - rhai yn dda a rhai yn wael. Mae'r Gwobrau Cyfranogiad yn galluogi TPAS i ddod o hyd i esiamplau a gwersi gwerth chweil ac i'w rhannu fel bo safonau yn cael eu codi drwy Gymru.”
CYMDEITHAS TAI HAFAN YN CYHOEDDI PROSIECT Y WAWR NEWYDD YN YMCA Y BARRI
13eg Chwefror 2006
Swyddfa Cymdeithas Tai Hafan yn y Barri oedd un o'r sefydliadau cyntaf i gynnal lansiad yn adeilad newydd ei adnewyddu YMCA Y Barri sydd erbyn hyn yn gartref i Ddysgu Cymunedol. Pwrpas y lansiad hwn oedd dathlu Prosiect Dysgu Gydol Oes Y Wawr Newydd y gymdeithas, a ariennir gan y Swyddfa Ariannu Ewropeaidd ac Elwa.
Mae'r Wawr Newydd yn rhaglen hyfforddi achrededig a ddatblygwyd yn benodol i ategu'r gwaith y mae Tai Hafan yn ei wneud i gynnal menywod a'u plant, annog pobl i adnabod a datblygu medrau sydd efallai ganddynt yn barod ond nad ydynt yn hyderus yn eu cylch. Mae'n arloesol yn y ffordd y mae'n mesur cynnydd y sawl sy'n cymryd rhan ynddi a gall adnabod gwelliannau mewn ‘medrau meddal' sy'n rhagflaenydd i gynhwysiad cymdeithasol llawn ac sy'n effeithio'n uniongyrchol ar allu person i gymryd rhan mewn addysg prif ffrwd a/neu gyflogaeth.
Mae prosiect y Wawr Newydd yn gweithio gyda menywod difreintiedig o bob oed, ac mae'n cael ei ariannu gan Gronfa Gymdeithasol Ewrop i weithio mewn 4 ardal awdurdodau lleol - Bro Morgannwg, Sir Fflint, Wrecsam a Phowys - trwy ddatblygu a chyflwyno rhaglenni hyfforddiant sy'n hwyluso datblygiad personol, ac sy'n eu gwneud yn fwy cyflogadwy.
Mae menywod difreintiedig o bob oed yn cael hyfforddiant ar feysydd yn amrywio o fedrau ymarferol sylfaenol a diogelwch cartref cyffredinol, dygymod ar incwm isel, meithrin hyder, dygymod â straen a dicter, perthnasoedd iachus i ddeiet ac ymarfer, a llawer mwy.
Er mwyn manteisio ar thema cariad a chynnal ein gilydd Dydd San Ffolant, cymerodd yr aelodau ran mewn creu murlun, gwneud cardiau Ffolant ac fe gawsant flas ar sesiynau mwytho o massage a thriniaeth dwylo.
Meddai Cathy Davies - Prif Weithredydd Tai Hafan : “Rydym wrth ein boddau ein bod wedi derbyn arian ar gyfer prosiect dysgu gydol oes y Wawr Newydd. Mae'n bum mlynedd ers i Tai Hafan gydnabod yr angen i alluogi ein defnyddwyr gwasanaethau i fynd yn ôl i weithio neu i fanteisio ar hyfforddiant ac addysg a'n harweiniodd i sefydlu ein rhaglen ddysgu ein hunain ar gyfer y menywod rydym yn eu cynnal ac sy'n eu helpu i ail-adeiladu eu hyder a datblygu eu medrau personol yn y byrdymor a gobeithio i gael gwaith maes o law.
Mae llawer o'r bobl rydym yn eu cynnal wedi bod yn ddi-waith am gryn amser ac yn aml mae ganddynt anawsterau iechyd meddwl neu gyda chamddefnyddio cyffuriau neu alcohol - mae'r Wawr Newydd yn gadael iddyn nhw ddysgu ar eu cyflymdra eu hunain a chyda staff y maen nhw'n teimlo'n gyfforddus â nhw ac y maen nhw wedi meithrin perthynas o ymddiriedaeth gyda nhw”.
Meddai Kay Hughes, Prif Swyddog, Prosiect Dysgu Gydol Oes Y Wawr Newydd: “Y gwerth ychwanegol y mae'r Wawr Newydd yn ei roi i'n defnyddwyr gwasanaethau yw'r cyfle y mae'n rhoi iddynt fynd yn ôl i ddysgu mewn amgylchedd diogel, anffurfiol.”
CYMDEITHAS TAI HA FAN YN CYHOEDDI SIOP ARLEIN A PHORTH CYNHALIAETH
10fed Chwefror 2006
Mae Cymdeithas Tai Hafan yn agor ei siop ar-lein a phorth cynhaliaeth ei hun i geisio codi arian y mae mawr ei angen ar y gymdeithas.
Mae Tai Hafan yn gymdeithas dai elusennol sy'n darparu gwasanaethau tai a chynhaliaeth i fenywod a chanddynt amrywiol anghenion. Hi yw'r unig gymdeithas tai yng ngwledydd Prydain sy'n defnyddio dynesiad person-ganolog tuag at ddarparu gwasanaethau tai a chynhaliaeth i fenywod, gan fenywod.
Trwy ddilyn y cysylltiad www.itallhelps.com/taihafan/ <http://www.itallhelps.com/taihafan/> gall cwsmeriaid ddewis o blith 50,000 o nwyddau o dros 400 o siopau ar-lein, llawer ohonynt yn enwau'r stryd fawr fel amazon.co.uk, Mothercare, Dixons a BT. Bydd CTH yn derbyn cyfraniad oddi wrth y siopau.
GWEITHREG CYNNAL NEWYDD SECTOR PREIFAT AR GYFER PROSIECT MENYWOD IFANC Y RHYL
25ain Ionawr 2006
Mae Prosiect Menywod Ifanc Y Rhyl wedi derbyn arian o Grant Cymorth 2006-09 i gyflogi Gweithreg Cynnal Sector Preifat am dair blynedd.
Mae cyflogi Gweithreg Sector Preifat yn newid diwylliannol ym maes Tai Cymdeithasol Cynaledig gan fod Tai Hafan yn mynd ati o ddifrif i ddatblygu partneriaethau gyda'r sector preifat i ddod o hyd i dai symud ‘mlaen i'w thenantiaid oherwydd y prinder o dai cymdeithasol.
Bydd y weithreg yn gweithio mewn partneriaeth gyda Chyngor Sir Ddinbych.
Meddai Katie Owen-Gant, Rheolydd Rhanbarthol Cymdeithas Tai Hafan ar gyfer Gogledd Ddwyrain Cymru:-
“Gobeithiwn leihau'r defnydd o lety dros dro fel gwely & brecwast. Bydd Tai Hafan a Chyngor Sir Ddinbych yn mabwysiadu agwedd ragweithiol tuag at y gwaith o atal digartrefedd. Gan fod yr arian ar gael, gallwn fynd ati o ddifrif i chwilio am y person iawn ar gyfer y swydd fydd yn cychwyn ym mis Ebrill 2006.”
Er mwyn cael rhagor o wybodaeth am Tai Hafan ffoniwch 01267 225555. Er mwyn cael rhagor o wybodaeth ar y datganiad i'r wasg cysylltwch â Jennifer Hobbs-Roberts o Commedia ar 0845 130 1508.
Gwybodaeth i Olygyddion
Mae Tai Hafan yn gymdeithas dai elusennol sy'n darparu gwasanaethau tai a chynhaliaeth i fenywod a chanddynt amrywiol anghenion. Hi yw'r unig gymdeithas tai yng ngwledydd Prydain sy'n defnyddio dynesiad person-ganolog tuag at ddarparu gwasanaethau tai a chynhaliaeth i fenywod, gan fenywod.