Mae ein prosiectau merched ifanc ni’n cynnig agwedd gyfannol at ddarparu cymorth. Mae staff cymorth y prosiect yn gweithio gyda’r merched ifanc i weithio tuag at ddyfodol positif, yn byw yn annibynnol yn y gymuned, trwy hyrwyddo addysg, hyfforddiant a rhwydweithiau cymdeithasol a thrwy ddatblygu diddordebau personol a gweithgareddau hamdden. Mae staff cymorth yn sensitif i anghenion merched ifanc sydd yn byw o fewn y prosiect ac sydd wedi profi effeithiau teuluoedd yn chwalu a cham-drin. Mae merched ifanc yn cael cymorth i ddelio â’u hanghenion emosiynol trwy ddefnyddio sgiliau cynghori.
Mae gennym becyn cymorth strwythuredig sydd yn galluogi merched ifanc i ddatblygu eu sgiliau a’u hyder. Mae staff y prosiect yn trafod gyda’r merched ifanc i lunio cynlluniau cymorth unigol, ac yna’n gweithio gyda nhw i osod amcanion cytun a’u cyrraedd nhw. Mae cymorth yn cael ei ddarparu mewn amgylchedd hamddenol a hyblyg. Rhai pethau sy’n derbyn sylw yn ystod y gwaith cymorth yw: cyllidebu, coginio, gwaith gwella’r ty, arian, ysgol/addysg, hyfforddiant, gwaith, chwaraeon, hamdden, sgiliau cymdeithasol, hunan-niwed, problemau bwyta, iselder, cynlluniau tymor hir ayyb.

Prosiect Ffenics

Sefydlwyd ein prosiect cyntaf ar gyfer merched ifanc sy’n gadael gofal yng Nghaerfyrddin ym mis Hydref 1995 trwy bartneriaeth rhwng Tai Hafan a Gwasanaethau Cymdeithasol Caerfyrddin, gyda nawdd ychwanegol gan Plant Mewn Angen y BBC. Mae’r prosiect yn darparu cymorth a thai tymor byr i ferched ifanc rhwng 16 a 21 oed sydd yn gadael Gofal Awdurdod lleol, neu sydd yn eiddil yn nhermau Deddf Plant 1989. Mae’r prosiect yn cynnwys tai cymorth, ty^ yn Nhref Ioan, Caerfyrddin, wedi ei rannu gan 3 o ferched ifanc a 2 fflat hunangynhwysol i ferched ifanc sydd angen mwy o annibyniaeth neu sydd â phlentyn. Mae hefyd yn darparu cefnogaeth sigledig a chymorth estyn allan i 6 merch ifanc ychwanegol.

Prosiect Merched Ifanc y Rhyl

Mae Prosiect Merched ifanc y Rhyl wedi bod ar waith ers 1998 a dyma oedd ail brosiect Tai Hafan i Ferched Ifanc. Nod y prosiect yw darparu cymorth i ferched ifanc eiddil, gan gynnwys mamau ifanc, i adeiladu eu hyder a’u hunan-barch cyn iddynt symud i fyw yn annibynnol. Mae’r prosiect yn darparu tai a chymorth dwys i ferched ifanc eiddil sydd rhwng 16 a 25 oed, rhai a fydd yn feichiog neu sydd yn famau ifanc yn barod. Mae atgyfeiriadau yn cael eu derbyn o bob ffynhonnell, gan gynnwys hunan atgyfeiriadau, ond gan mai un gwely’n unig sydd yn y fflatiau, ni all y prosiect gymryd atgyfeiriadau gan ferched ifanc gyda phlant dros un oed. Serch hynny, gall anghenion y merched hyn nawr gael eu diwallu trwy gefnogaeth sigledig gan fod y prosiect yn gallu rhoi cymorth i 10 merch ifanc ychwanegol mewn amryw o ddeiliadaethau. Gall cymorth cyn y denantiaeth hefyd gael ei ddarparu, diolch i grant gan Ymddiriedolaeth Esmee Fairbourn ar gyfer Gweithiwr Estyn Allan.

Prosiect Perl

Sefydlwyd Prosiect Perl yn Hwlffordd yn 2000, trwy bartneriaeth rhwng Tai Hafan, Gwasanaethau Cymdeithasol Sir Benfro a Chymdeithas Dai Sir Benfro. Prosiect Perl yw trydydd Prosiect Tai Hafan sydd yn benodol ar gyfer merched ifanc ac yn darparu tai cymorth i ferched ifanc eiddil, rhwng 16 a 21 oed sydd wedi gadael Gofal Awdurdod Lleol neu sydd yn eiddil yn nhermau Deddf Plant 1989 ac sydd angen cyfnod o dai cymorth cyn byw yn annibynnol.
Mae’r prosiect yn cynnwys dwy lefel o dai:
I ferched ifanc sydd angen lefel uchel o gymorth mae Tai Hafan yn rheoli ty tair ystafell wely lle mae gan ferched ifanc eu hystafelloedd eu hunain ac yn rhannu cegin, ystafell ymolchi a chyfleusterau byw.
I ferched ifanc sydd angen lefel is o gymorth ac i ferched ifanc a chanddynt blentyn, mae dwy fflat hunangynhwysol yn cael eu darparu. Yma fe fydd merched yn cael cymorth nes eu bod nhw, a’u cydlynydd prosiect, yn teimlo’u bod yn gallu ymdopi’n annibynnol. Unwaith y bydd hyn yn digwydd fe fydd y ferch ifanc yn gallu parhau i fyw yn ei fflat, ac fe fydd Cymdeithas Dai Sir Benfro yn darparu fflat arall i’r prosiect ei chynnig i rywun arall sydd angen cymorth a thy. Mae hyn yn cael ei alw’n Gefnogaeth Sigledig. Yn ogystal, mae gwasanaeth cefnogaeth sigledig y prosiect nawr yn rhoi cymorth i 2 ferch ifanc ychwanegol sydd wedi cael eu hatgyfeirio gan y gwasanaeth prawf.

Prosiect Merched Ifanc Conwy

Sefydlwyd Prosiect Merched Ifanc Conwy yn 2002, ac mae’n gweithio’n agos gyda Gwasanaethau Cymdeithasol Conwy. Mae’n darparu tai cymorth dros dro i 5 o ferched ifanc sydd yn gadael gofal ALL, neu sydd yn eiddil ac angen cymorth. Mae’r prosiect yn cynnwys ty wedi ei rannu rhwng 3 merch ifanc a 2 dau ty neu fflat hunangynhwysol. Yma fe fydd merched ifanc yn cael cymorth nes eu bod nhw, a’u cydlynydd prosiect, yn teimlo’u bod yn gallu bod yn annibynnol. Unwaith y bydd hyn yn digwydd, fe fydd y ferch ifanc yn gallu parhau i fyw yn ei fflat, ac fe fydd fflat arall yn cael ei darparu i’r Prosiect ei chynnig i rywun arall sydd angen cymorth a thy. Mae hyn yn cael ei alw’n Gefnogaeth Sigledig.

Prosiect Bridgit

Cychwynnodd y prosiect menywod ifanc yn Rhondda Cynon Taf ar ddiwedd 2001 yn bartneriaeth rhwng Tai Hafan a Chymdeithas Tai Newydd, ac erbyn hyn mae hefyd yn cael ei rhedeg yn bartneriaeth agos gyda Thîm Gadael Gofal y Gwasanaethau Cymdeithasol. Mae'n darparu cynhaliaeth i 6 menyw ifanc trwy eu cynnal mewn tenantiaethau parhaol a ddarperir gan Newydd - trwy gefnogaeth sigledig. Mae'r prosiect hefyd yn cynnwys ty rhannu a gall ddarparu ystafelloedd gwely unigol a chyfleusterau ar y cyd i hyd at dair menyw ifanc.

Prosiect Menywod Ifanc Wrecsam